險勝姜濤奪「人氣票王」 張敬軒：年紀差距大唔想行太近

姜濤對於角逐「人氣票王」獎項與張敬軒叮噹馬頭，但最終落敗給對方。姜濤表示作為新人有人認識自己已很開心，最開心軒仔記得自己。談到軒仔曾揚言擔心輸給他，他說：「無乜留意，但好開心佢記得我，佢係我好仰慕嘅前輩，今次算係第一次見面，已經諗定想同佢講乜？就係講你好。」

軒仔對於姜濤指跟他見面好緊張，他笑言自己仲緊張，因為大家年紀差距太大，不想對方行得太近。提到擊敗姜濤奪得「人氣票王」獎項，軒仔謙稱自己險勝，由於寒冬將至為免平安鐘長鳴，所以對方粉絲收手投票而已。他說：「組合Mirror係我心目中今年是「人氣王」，剛剛跟姜濤傾偈，大家的用字唔相同，好似聽唔明我講乜，好似話畀心機呀！佢哋好似一堆黑人問號響頭頂度。」