险胜姜涛夺「人气票王」 张敬轩：年纪差距大唔想行太近

姜涛对于角逐「人气票王」奖项与张敬轩叮当马头，但最终落败给对方。姜涛表示作为新人有人认识自己已很开心，最开心轩仔记得自己。谈到轩仔曾扬言担心输给他，他说：「无乜留意，但好开心佢记得我，佢系我好仰慕嘅前辈，今次算系第一次见面，已经谂定想同佢讲乜？就系讲你好。」

轩仔对于姜涛指跟他见面好紧张，他笑言自己仲紧张，因为大家年纪差距太大，不想对方行得太近。提到击败姜涛夺得「人气票王」奖项，轩仔谦称自己险胜，由于寒冬将至为免平安钟长鸣，所以对方粉丝收手投票而已。他说：「组合Mirror系我心目中今年是「人气王」，刚刚跟姜涛倾偈，大家的用字唔相同，好似听唔明我讲乜，好似话畀心机呀！佢哋好似一堆黑人问号响头顶度。」