撐《兄弟》開續集　朱晨麗、劉穎鏇：拍《姊妹》應好睇

出席無線《兄弟》宣傳活動的朱晨麗透露，該劇將會有好多突破及意想不到結局，對於《萬千星輝頒獎禮》獲得11個提名，希望可以盡量催谷能夠得到《最佳劇集》獎項，又搞笑謂自己穿得密實拉票拉到頂，無論得獎與否也可請吃飯。
談到可會拍續集，她提議不如開拍《姊妹》，因為劉穎鏇同她打得，江嘉敏又可被人打，大家又靚又有身材。至於會否準備戰衣出席頒獎禮，她表示已諗好，但會否性感到時大家會知。
劉穎鏇亦笑言，如開拍《姊妹》應幾好睇，近年少打戲的主題，更笑謂自己有打上癮，每次睇返自己於《兄弟》打鬥場面會好有滿足感。問到是否想做打女？她說：「我樣樣想試，打女幾大興趣，都想跟師傅學功夫。伍允龍之前教我點樣拉筋可以要柔軟度較高，仲畀貼士我依家初部練下先，可以早有準備。」她坦言未能做到一字馬，現時只有A字馬，好羨慕朱晨麗柔軟度可將腳放在頭上，好想有日自己能做到。