網民FB貼舊相尋30年前幼稚園閨蜜 舊生窩心紛留言相認

有網民近日在Facebook上載一張1989年跟幼稚園好朋友，站在聖誕樹裝飾前的合照，希望尋找相中姓徐的女同學。網民原本不抱厚望，結果發文短短10小時已成功尋人相認，網民表示「開心到瞓唔着」，又指早知道fb可以這麼快尋到人，「十年前就已經開post」。

網民SoCindy‎日前在群組「TaiPo大埔」發文，指希望尋找當年綠葉幼稚園的徐同學，「依家30幾歲我想知道你近況」，「每逢睇返啲相，全部都係拖住你隻手。其實個心一直想搵你好多年」。

網民透露，其實她本人小學已經搬出九龍，有年新年與家人在酒樓飲茶，撞到女同學一家人，然後她父親向女同學的家人提及她讀書太差留級的事，她覺得尷尬於是走開了。我「見到佢一直喺屋企人講話我點解唔睬佢，我都覺得唔好意思，亦都冇辦法再攞到聯絡電話」。

網民坦言，「就算此生不能再見，知道近況，知道她過得很好就已經足夠」，自己也是「希望在明天吖嘛」。網民又說，「呢個係我呢廿幾年嚟嘅遺憾。我講完一個大話，就了結咗我哋咁多年嘅緣分。你認唔認得我都好。希望你知道，我掛住你已經二十幾年……」意外地徐同學現身留言道：「Iamhere.你係蘇XX嗎？好感動呀！PMyou（私訊給你）。」

網民紛紛留言說恭喜、「好感人」之餘，帖文也成為大埔綠葉幼稚圍舊生「打卡」聚舊熱點，上報自己畢業年份希望找到當年同窗，一呼百應。有人回憶童年點滴，「好懷念個波波池」、「我有一張相係媽咪幫我影，喺個波波池裡面喊住影，因為有個男仔一腳伸到我塊面」；「有沒有人記得果間兩層玩具屋」、「我最鐘意嗰間閣樓屋」、「經常入去玩」。