董敏莉成功喂人奶劲感动 母爱力量克服换屎片

董敏莉（Monie）早前开刀诞下爱女子子，并于早前出院接囡囡回家。Monie坦言成功喂人奶感动到想喊，初尝做人阿妈感觉，说：「头几日试喂人奶都唔系好成功，但昨日开始有，嗰一刻直头想喊出黎！（感受到做妈咪未？）依家开始有点习惯，因为以前我好怕屎尿之类物体，但帮个女换片真系唔同，好有成功感，呢啲系母爱嘅力量啊！」

Monie没有请工人或者陪月，暂当全职妈咪凑女，说：「我哋呢啲新手妈咪真系惊，最难真系扫风，要好好研究一吓。呢几日好多朋友都嚟探子子，长辈们都好锡佢，一出世已经收好多衫同利是。」

Monie产后出现脚肿情况，亦因要照顾囡囡停工。她说：「我依家当佢系公仔，之前买咗好多衫畀佢着，我喺屋企冇嘢做可以帮佢扮靓。今年过圣诞节就好开心，多咗子子陪我过。工作方面暂时都未有复工时间表，我都同电台同事讲要新年后先复工，因为真系唔舍得离开个女。」