三代同堂撐個唱記招 鄭中基減少內部認購唔狽飛債

鄭中基（Ronald）為世界巡迴演唱會香港站舉行記者會，太太余思敏、兒子鄭梓仁及父親鄭東漢三代同堂到場支持。演唱會將於2019年農曆新年舉行，Ronald笑言上次觀眾誤以為他會派利是，所以先呼籲大家準備利是派給他。

Ronald透露是次內部認購數量已減少，讓更多門票於於明日（21日）公開發售，並謂被同事再三提醒不要狽一身飛債，故他笑稱沒聽電話很久，訂票的都轉交同事們處理。由於上次個唱於第4場開始聲沙沙，故今次在7號（初三）休息。問到若反應熱烈可會取消休息用作開騷？他笑說：「如果係咁都無辦法啦，會考慮。不如轉棟篤笑，不過講成晚仲辛苦。」

今次台上會來一個真正的三代同堂，Ronald將跟女兒梓喬合唱一至兩首歌。問到兒子梓仁可會上台？他笑說：「睇到時瞓咗未囉！佢鍾意彈結他、打鼓，仲有我再唔叻嘅跳舞。」此時梓仁跑過來找他，他轉身跟兒子說拜拜，被拒絕的梓仁哭著找媽媽。問到兒子是否很怕他？他說：「唔係啊！佢好黐我！」隨後，他抱兒子回來繼續接受訪問。問梓仁可想跟父親跳舞？他點頭示意。