個唱飛唔敢再掂 鄭中基每日被女兒問記好歌詞未

鄭中基（Ronald）為明年2月紅館個唱到電台宣傳，他透露個唱上會有兩首新歌，亦有上次的演唱會於網上投票點歌落敗的歌曲，因為發現不少網友沒有留言，故不排除也很喜歡，但大部份會唱「金牌」唱片年代的歌曲，還有「舊飯團」樂隊。可會擔心黃牛飛情況？Ronald說：「擔就擔心啦！啲飛點賣就交畀監製陳家倫搞，因為上次我參與愈搞愈亂就唔掂飛啦！」
個唱上將會跟女兒合唱，Ronald笑言女兒每日問他記好歌詞未？不過女兒所選的合唱歌，他只唱少少，大部份女兒唱，又謂女兒有表演過慾又會驚，今年在學校台上表演時遇上音響失靈，搞到好緊張。他說：「佢爭啲想喊！到佢一唱就enjoy，唱完仲話咁快，幾時可以再唱。（女兒邀請同學去睇演唱會？）佢醒呀！識提醒啲老師，問人今年嚟唔嚟睇呀？PR嚟㗎！」（攝影：鄺芷瑩）