申請明年紅館開騷 孫耀威承諾一定騷肌

孫耀威（Eric）於九龍灣國際展貿中心舉行一連兩場《孫耀威HYSTERIC 演唱會2018》，昨晚進行尾場演出，吸引到吳家麗、鄭秀文、車婉婉與老公Johnathan、鄭世豪及鄧建泓夫婦等入場欣賞。

Encore時，孫耀威笑言自己每次好似行到好遠，又拍戲又做生意，但又陰魂不散出返來。他說：「因為有一班歌迷在，你們的尖叫聲，下年再開演唱會好嗎？放心，出年唔會搞生意，拍完戲即會返黎！台灣、內地開好唔好？多謝你們等我25年，唱歌時好多回憶，知你地等我好耐。」

獻唱《我知道你在等我》期間，孫耀威忍不住落淚。個唱尾聲時，孫耀威笑言個唱後可吃蛋躂、打邊爐，自己是一日飲三枝可樂的人，隨即表演飲汽水後，獻唱《永遠保護你》，又再度落淚，最後演唱會於11時13分完滿結束。

接受訪問時，談到於個唱兩度落淚，孫耀威表示首場個唱已流眼淚，今日採排有心理準備，當看見粉絲回想很多出道到現在轉眼間廿幾年，感覺很特別。他說：「粉絲由小孩子到結婚後做媽媽，大家一起成長，好開心、感恩有這班粉絲。」對於是否明年於紅館開騷，Eric笑言對紅館好像半放棄狀態，因為太難有檔期，更笑謂可能當抽獎可能會獲得檔期，不過一直有入紙申請。

他說：「不單止紅館，台灣小巨蛋都有申請，聽聞明年有機會，兩個地方都好想開，台灣是我出道的地方，香港是我家。」談到粉絲投訴他未有騷肌太少，他笑言原本打算唱《浪踏破》時騷肌，但自己興奮過度忘記。他說：「唔緊要，之後開騷一定露。等我再練到變綱條身形，我成日想拍返本寫真集，人在不同時候記錄個樣覺得唔錯，以前後生推出過不同寫真集，依然可以出『冰鮮肉、老鮮肉』」，可能會有市場。