【包租公被殺案】被告稱死者先用槌仔郁手 向警供稱：陳伯係我殺嘅

元朗田心村去年發生命案，八旬高齡陳姓包租公被發現陳屍睡房，租客發現屋內出現大量白蟲而揭發事件，警方指包租公已死去5天。涉嫌以槌仔猛烈襲擊而槌斃死者的七旬男租客否認謀殺，案件今於高等法院續審。拘捕被告的警員黃雅倫今出庭作證時指，被告在警誡下向警員稱：「阿sir，陳伯用個槌仔想打我，我搶番佢個槌仔，扑番佢，係佢郁手先，（陳伯）係我殺嘅」。

報稱退休人士的77歲被告倪耀偵，被控於去年4月10日，在元朗洪水橋田心村101A號地下謀殺80歲的男子陳根蘭。

警員黃雅倫今到庭作證，憶述被告倪耀偵於2017年4月16日在警方調查時主動地說：「阿sir，單案我有重要野要話你知」，及後按警方要求把個人財物交予其侄女，倪指「阿sir ，陳伯（死者陳根蘭）係我殺嘅」，警員立即以謀殺罪名拘捕及警誡倪，倪在警誡下稱「呀sir，陳伯用個槌仔想打我，我搶番佢個槌仔，扑番佢，係佢郁手先，係我殺嘅」。

被告倪耀偵在警誡錄影會面中表示，死者陳根蘭於案發當日，即2017年4月10日在倪回家後拍門，陳一進倪房後即指：「你周圍唱X我？關你X事咩？話我搞女人？」。倪指：「咁你自己有冇做呀？我冇周圍唱你喎，我同阿張（另一租客）講咋喎，話陳伯好鹹濕喎，一晚搵兩件喎」。

倪續稱二人在爭執期間，陳上前推其胸膛，倪背部撞到鐵床架感到痛楚，而陳「嗱嗱聲返自己房攞槌」，倪「一見佢用槌仔扑落嚟，一手箍頸一手掹個槌仔落嚟」，我「係咁扑落去囉，喺頭度扑額頭兩下，佢仲郁，仲踢我兩腳」，倪指陳踢到他下體，「咁我咪開始火滾囉」、「跟住我再大力扑佢幾下」，並指自己「都好驚」，當時又對陳稱「你又詐死，X你老母，搵槌仔嚟打X我」。倪又稱「見到佢個樣好核突，驚夜晚睇到，就嗱張床單屳落去佢塊面」，便拿着用褲子包着的槌仔離開案發現場，「希望唔好留低手指印啦」。

被告倪耀偵在下午播放的錄影會面中指，自己血壓高、患糖尿病、前列腺有腫塊，不時頭暈眼花，平時會到醫院覆診。倪又指事件發生後沒有告訴任何人，「人地到時又要做證人，自己衰就算啦，唔好煩到人」，倪並表示「件事唔發生都發生左，自己要找數囉」。

案件明續。

法庭記者：劉曉曦

建立時間：13:21
更新時間：16:29