維港會：「恐龍」襲7仔買飲品引哄堂大笑 顧客讚識用八達通（有片）

後日（31日）就是萬聖節，除了一眾「嘩鬼」提早出籠應節外，史前生物「恐龍」亦出沒市區湊熱鬧，更會到便利店用八達通買飲品，引來小朋友哈哈大笑。

有網民昨在facebook群組「巴打絲打Facebook Club」分享片段，稱「原來恐龍都識用八達通買嘢飲，笑到肚痛」。樓主指，在將軍澳富麗花園的7-11便利店內，發現有人穿上吹氣恐龍衫，在店內「大暴走」。恐龍先走過窄窄的通道，再打開雪櫃揀選飲品。牠最後選了一支烏龍茶後，走到櫃台付款，並拿出八達通卡，在店員指示下成功付款。恐龍隨後跟着大南瓜離去。在場不斷傳來小朋友的大笑聲，更有男子笑稱「恐龍都識用八達通」。

片段在facebook廣傳，短短一日已有過千人讚好和畀「哈哈」。有網民大讚恐龍「身手敏捷，無掃冧啲嘢」、「隻恐龍好追得上新科技」，又可以「帶啲歡樂俾人」。另有網民關注恐龍會「成支擺落口，還是會扭開樽蓋拎起埋個頭」。