當爸避免危險鏡頭 余文樂為老婆少拍親熱戲

余文樂去年被爆跟沈嘉偉反目，原本孖郭富城、張智霖幾個好好朋友，但昨晚城城同一大班朋友慶祝今日53歲生日，樂仔沒現身；樂仔昨晚則跟林海峰、謝安琪、胡琳等去睇棟篤笑騷撐好友。樂仔坦言兒子出世後沒刻意停下所有工作，亦有數個故事想開拍，想找到合適班底。
樂仔笑言故事內容不能說，亦有想過接拍父親的角色。問到如今拍戲可有新底線？他笑說：「危險鏡頭囉！（親熱戲呢？）太太當然想盡量唔好啦！佢無提過，但呢啲嘢自己醒啦！（騷身材呢？）可以！但會郁吓郁吓嗰啲就唔好喇，要避免有『踫撞』。」可會接拍內地的親子節目？他說：「我唔會接囉，我唔想個仔出鏡，當然每個家長有唔同想法。」他坦言從林志穎口中得知親子節目拍攝過程相當辛苦。
剛榮升潘太的胡琳，坦言至今仍未習慣做人妻，婚後仍會工作，拒做少奶奶，怕自己時間多了會變「常哦」；造人計劃則兩年後才進行。（攝影：駱震寧）