父愛爆棚！余文樂騷B仔腳腳賀滿月

型爸余文樂囝囝余初見（Cody），上個月10日出生，今日剛剛好就係1個月大啦！呢位新手爸爸果然父愛爆棚，成日同囝囝影相晒幸福，雖然上次半裸騷肌晒紋身抱住囝囝，被網民提醒佢「抱初生寶寶必須用手扶著他的後頸，怕向後倒...」，不過阿樂無放棄，今日繼續晒B！
一向型爆嘅阿樂係社交媒體留言「1 month ~ ❤️」無睇錯，真係有個心心emoji係到！真係睇見都冧！其實早前佢先影過囝囝白襪子嘅腳仔！仲留言話「當了爸爸後就每天都想回家。以前別人講我不太能想像那感覺，但現在終於知道了...等我爸爸會趕快回來」