男友教打牌即食「嚦咕嚦咕」 江嘉敏：佢啲運氣用嚟識我

江嘉敏被傳媒影到與著名電競公司高層Anthony Cheng拍拖，她大方承認戀情，更透露跟男友於朋友聚會認識，亦欣賞對方有耐性。她說：「一齊打麻雀，我又唔識坐埋一邊睇佢哋打，佢幾有耐性不厭其煩答我點打。佢話我一坐佢隔離就第一次食『嚦咕嚦咕』，佢啲運氣用晒嚟識我，但佢外國返嚟，唔知我做藝人。大家剛剛開始拍拖，未咁快見家人。」談到11月4日就24歲生日，男友可會到台灣送上驚喜？她笑言抱有希望，但男友為人不太浪漫，可是若直接跟對方講就覺無意思。

被問到兩人是否在西貢同居？江嘉敏否認其事，又解釋自己租住西貢單位是為方便返公司，但太早或太夜去工作時，男友會駕車接送，這方面對男友會加分。