維港會:男神變身鬼醫生 劉鳴煒「哈囉喂」孖鬼病人到處嚇人

傳說數十年前，山上一家醫院將瘟疫病人與世隔絕，漸變成鬧鬼荒廢醫院......今日醫院入面嘅「鬼醫生」竟闖入市區,仲殺到嚟星島大廈,大家被嚇得四散!不過,當睇清楚後,發現呢個「鬼醫生」其實係「Package男神」劉鳴煒扮嘅,於是原本已散開嘅女士們,又湧埋去合照。
今年的海洋公園「哈囉喂」活動已經開始,身為海洋公園副主席的劉鳴煒,亦粉墨登場。為配合今年其中一間鬼屋「屍營醫院」,劉鳴煒化身為「鬼醫生」,身上纏著被佢醫到「鬼咁樣」嘅病人到訪星島大廈,這隻鬼怪不但造型恐怖,而且頭部還會180度轉動,非常逼真,不少原本埋首工作的同事都被嚇一跳。

劉鳴煒又同記者大玩「Yes/No Question」，其中問到特首出席港珠澳大橋開幕禮穿的粉紅色裙是否漂亮？劉鳴煒答：「OK啦。」他身上「鬼病人」卻不斷搖頭，場面爆笑！當被問到殭屍能否搭高鐵時，劉鳴煒笑言：「上唔到，因為佢無回鄉證。」至於「鬼病人」會否令港鐵四線立即暢通無故障？劉鳴偉笑言：「一定會啦！因為嚇走晒啲乘客。」
為了這個造型,劉鳴煒事前需要花約45分鐘化妝,而身上這隻鬼病人有10多磅重,所以劉鳴煒抱著它似乎有點吃力,間中要讓它伏在胸見休息一下。劉鳴煒透露,這位「鬼醫生」日前已在海洋公園現身,大家去海洋公園玩哈囉喂時,可留意男神會否就在身邊。