【爭產風波】羅啟瑞疑被踢出辦公室 羅老太嬲爆：鷹君個個仔女都有份

鷹君集團羅氏家族糾紛持續升溫。集團前董事、新福港主席羅啟瑞上月底被人搬走其在鷹君辦公室的文件，他事後指控集團主席、胞兄羅嘉瑞以漏水作藉口擅闖其辦公室。「羅老太」羅杜莉君回應事件時直言：「梗係嬲啦……我捉得到佢（羅嘉瑞）呀，劏咗佢啊！唔嬲就假喇，鷹君係父母創業，落嚟就係仔女，個個都有份。點解佢（羅嘉瑞）可以清人走？」

羅老太入稟告滙豐國際信託一案，控辯雙方今早分別就正審法官於入稟狀修訂申請的裁決提出上訴。羅老太與孻子羅啟瑞今早現身高等法院旁聽，前者逗留約一小時後離開。

精神不俗的羅老太在庭外回應記者提問時，坦言過去的中秋節並無闔家團聚，三子羅嘉瑞和四子羅康瑞亦無致電問候。記者問她有否叫家人食飯，羅老太反問：「邊個叫啊？我無咁得閒，我都無生呢啲咁嘅仔。」她又再次斥責兒子：「呢啲絕種喇，無用喇！」

羅啟瑞則指希望保護鷹君資產，不欲遷出其鷹君辦公室。雖然他的辦公室無漏水，羅嘉瑞仍以此為由搬走其辦公室文件，動機非常可疑。羅啟瑞又透露，過去中秋僅得3名子女與老太切月餅。記者問老太當時心情如何，羅啟瑞說：「佢無開聲講，梗係唔開心啦！」

至於羅老太一案，原告方本在最新的修訂中要求加插「佔優」（dominant）、「實際操控」（de facto control）等字眼，惟正審法官認為這等同另立新案，遂下令將該些字眼剔除。原告方今申請上訴，惟上訴庭法官都認同正審法官看法，最終維持原判。被告方今亦要求上訴庭下令剔除原告方部份帶有偏見的申索修訂，同被法官拒絕。

案件將於本周四再提訊，屆時羅嘉瑞將正式申請以被告身份加入訴訟。

法庭記者：黃梓生

建立時間：12:45
更新時間：13:16