維港會：係屋企食煙都要管？屋苑通告指濃煙滋擾鄰居惹議

屋企食煙都要管？奧運站上蓋屋苑凱帆軒有居民上載一張大廈通告，指收到投訴有人在單位内吸煙影響其他住客，促請留意有關情況免成滋擾。通告引起網民爭議，質疑連在自己家食煙的人權都被剝奪，但也有人理解吸煙的確會影響鄰居。

網民Wilson Yeung在Facebook群組「巴打絲打 Facebook Club」‎上載一張上月29日的大廈通告「單位内吸煙事宜」，指凱帆軒服務中心收到投訴，有住戶在第1座19樓單位内吸煙，濃煙影響其他住戶，促請住戶留意有關情況，以避免對其他住戶造成滋擾。

不少網民批評是多管閒事，「乜而家啲人咁惡嫁，幾百萬買個單位食枝煙都唔畀」‎，也有人認為無需理會，指「管理處你無依個權力去制止人，有咩事嘅叫警察出嚟，法律解決啦」。

有人認為是網民斷章取義，指出「成份通告有邊一隻字係講到唔畀你食？唔畀你食，同叫你食煙留意濃煙唔好影響鄰居，係完全兩回事」。

但也有不少人表示理解，吸煙會影響鄰居，稱「唔係坐喺屋企食㗎，係興喺窗邊食㗎，將啲煙味吐出窗外，我晚晚喺睡房同廚房都聞到，大佬我喺我自己屋企唔想聞到二手煙囉」；「 係！我隔離屋都係咁，吹到過嚟，聞到都覺得討厭，唔通要受影響嘅人就返佢哋咩？」；「我樓下都係咁，我雖唔敢投訴，但事實上嚴重影響我同我家人小朋友，真係超級討厭」。