遭老師嫌棄當眾嘲似蜥蜴 患濕疹學生粗口回罵反被要求道歉

濕疹是常見的都市人皮膚病，嚴重患者有一定的生活壓力，甚或受到歧視目光。有學生向社交網站facebook專頁投稿，指自己因患有濕疹遭班主任嫌棄，對方更口出惡言嘲笑他似蜥蜴，於是一氣之下以粗口反擊，怎料反被班主任要求道歉，否則會記缺點。事件引起網民熱論，不少人留言力撐樓主，怒斥該名老師不懂得尊重，提議樓主向校方投訴。

該名學生向「名校 Secrets」facebook專頁投稿，指自己深受濕疹困擾，曾經一次協助老師拿取物品時，遭「90後」班主任嫌棄，對方更當著全班面前口出惡言：「得喇得喇快啲行開！好核突呀你，有無人話過你似蜥蜴啊？」樓主聞言大怒，隨即以粗口反擊：「有無人話畀你似如花？ 把囗咁X臭，又唔X係靚，日日化啲粉仲厚過我屋企幢牆，望落似40多啲囉！死八婆，生濕疹我想㗎？你咁抗拒你畀錢我醫囉！」

班主任隨即斥責「未見過學生咁同老師講嘢」，樓主不甘示弱，反駁「未見過老師咁同學生講嘢」。班主任其後要求樓主道歉，否則會致電家長及記缺點，樓主聞言反問「你話我仲要同你道歉？」，班主任其後沉默。樓主未有解釋事件最終如何處理，但稱自己向父母交代事件時獲兩人力撐，他又勉勵其他學生「遇到人身攻擊千祈唔好退縮」。

帖文引發網民關注，不少人留言支持樓主，「個老師係人身攻擊，炒得」、「佢唔配做老師囉」、「我都撐你，下次錄佢音，再向教育局投訴」；亦有同患有濕疹的網民留言分享自己經歷，稱自己曾被人話似殭屍，又指「對住一啲唔尊重人嘅人，我哋唔需要尊重返佢轉頭」。