【趣趣哋】百厭貓貓高難度玩單槓 網民：師傅整冷氣

有養貓嘅朋友都清楚「主子」鐘意爬高爬低，屋企無嘢可以阻擋貓貓無窮嘅精力。有網民就係Facebook群組「天下貓貓一樣貓」上載主子一張「練武」照，見到「小白」一隻腳勾住冷氣機外殼，雙手攀附住牆壁一條索帶。網民寫有：「玩單槓，邊個夠我勁？」， 網民仲話貓貓係「過度活躍的」。

照片隨即引爆笑彈，唔少人都讚「小白」難得一身好本領，「佢的輕功好勁厲害厲害」，「原來係體操女將。失敬失敬」。更有人話「小白」夠百厭可以去做特務貓。有人仲話係颱風「山竹」過後「整冷氣」。

貓主人之後上載一張1個月前嘅相，見到「小白」個陣仲好細個，邊會想到會咁精力旺盛。

圖片：網民Kate Mak