陳豪出埠開工 陳茵媺掛住老公強壯Body

陳茵媺（Aimee）與陳豪育有3仔女，一家五口非常溫馨，不過忙於賺錢養家的陳豪近排出埠開工，「Super Mom」Aimee湊仔女攰到爆，不過她自有安慰良品，甜甜蜜蜜稱睇老公的相解相思之苦，在社交平台上載細女及二仔擒實爸爸的相片，留言：「我愛呢張相，佢哋嘅笑容代表一切。老公我愛你，我哋好掛住你，噢，仲有掛住你嘅肌肉。」
另外，Aimee在床上閉眼自拍，見細女同大仔入鏡，Aimee自言家中有個傳統，就是每逢星期五會同3仔女齊齊瞓，黐身的細女攬住媽媽，大仔同二仔就瞓另一張床。