受婆媳糾紛折磨？郭富城鬧無中生有：家庭快樂和諧

郭富城出席電影《麥路人》感謝宴，表示電影尚未拍完，今次與勤力的新導演合作，雖然他已開拍另一部新片，但只要有需要，也願意配合和遷就《麥》片拍攝工作，又指新片已拍得七七八八，否則也不會接新戲。

問他有兩部戲在手，豈非無時間陪愛女？城城稱世界進步了，不管去到哪裏只要有Ｗifi，大家就可以聯絡得到，不用擔心。提到有指老婆霸住湊女隔絕奶奶，令城城變為母親和外父外母之間的家庭磨心，他即否認道：「無咁嘅事，內容係憑空想像出來的故事，每逢我有電影上映或開演唱會，都自動有無謂嘅封面，及憑空想像的劇情去吸引讀者，只可說所有事都係無中生有，亦無需要解釋，總之這刻我係過著健康快樂和諧的家庭生活。」

問到婆媳關係是否很好？城城即說：「當然喇！」續問是否快將再做父親？城城重覆答過的回應：「我知道大家關心我，但唔想咁多有關屋企嘅事，以免成為焦點，令大家忽略了我嘅工作；有些事暫時無可奉告，畀啲空間我，適當時候自會公佈，一切順其自然，而屋企無論添幾多個小朋友都係交畀個天，每件事都係由上天決定，總之有好消息一定同大家分享，這一刻無可奉告。」