【黎明甫囡囡相】人父郭富城自言低調 楊千嬅讚B女似爸爸

郭富城、楊千嬅、萬梓良、顧定軒、劉雅瑟等出席電影《麥路人》開鏡拜神儀式，萬梓良跟千嬅合照時，送上利是給對方的6歲兒子Torres。

提到黎明於社交平台首次騷囡囡可愛相，千嬅說：「好似佢，開心事！（似爸爸定媽媽？）咁細個睇唔到，好似我個仔，個個話唔似我，我都話似我，生得咁辛苦。」未有公開囡囡正面相的城城則謂自己比較低調，每個人性格不同。可會與千嬅對襯家？他即謂問返電影問題。

戲中扮演金融才俊的城城因挫敗被打落低下層，他表示睇到劇本就覺得一定要演，並跟公司講不接其他工作要專心演繹。平時少去深水埗、旺角及廟街的他，為了演出可以去返這些地方感覺親切，又指當年讀無綫訓練班未畢業時，首次跟萬梓良合作演出劇集《成吉思汗》，當時自己扮演單眼殺手，大讚對方是有份量、謙虛又認真的演員。在旁的千嬅即笑謂：「圍讀劇本時，佢叫so what！我成個人彈起。」

千嬅透露戲中跟城城的關係比情侶更複雜，同是天涯淪落人，故事講及一班貧窮線無家者的遭遇，雖則忙為無綫拍攝劇集《多功能老婆》，但覺得要接拍該片。她說：「小美send劇本我睇，我覺得角色好有挑戰性，我見到有城城、萬梓良等有份量班底，雖然有啲虛虛地，但唔好理接埋先，不過入咗戲無得瞓覺。城城仲話啱啦，黑眼圈唔好補。」