張繼聰教定囡囡請男仔食檸檬：有佢媽咪風範

張繼聰錫寶貝女張靖錫到燶，講到明對囡囡長大後結識的男友、未來老公作嚴格審視，當個「呷醋外父」。為了囡囡著想，張繼聰已教曉1歲多的張靖對付「狂風浪蝶」，要請人食檸檬。

張繼聰在社交平台上載囡囡的可愛短片，見張靖開頭坐不穩趴地嗌「哎呀」，坐定定後張繼聰就指示：「坐低先，123，哼吖。」張靖聽到指令即扁起嘴仔、交叉繑手兼擰歪面，再高傲地發出「哼」一聲，非常趣緻。滿有成功感的張繼聰留言：「好努力教妹妹第日啲𡃁仔想約佢去街嘅反應 #哼 #依家放心哂 #有佢媽咪嘅風范（範）」。同樣有位乖女的李璨琛都回覆：「好到位喎，約佢果（嗰）個就真係酸溜溜」。