曾話擔心生女似祖藍 李亞男公佈真係佗B女

33歲李亞男跟王祖藍結婚3年多，兩個月前開心宣佈成功懷孕，上月她挺著4個月孕肚出席活動時，已漏口風話擔心生女似祖藍。今日，她在臉書晒5個月孕肚，留言：「今日小公主陪我開工，佢好乖」，公佈佗B女。
亞男回應傳媒謂：「我好開心，知道咗係囡囡，因為我不嬲都好想有個女，都希望第二個係仔。我仲未買齊啲嘢，不過BB房就仲裝修緊，最緊要佢出世時可以好健康，咁我就會好放心。其實男女我都鍾意，但我不嬲都想有個囡囡，因為可以幫她扮靚，同埋女仔始終黐媽咪多啲。」