催生成功 Bob勸祖藍：搵咁多都夠啦

林盛斌（Bob）與太太Pearl帶同幼子林道申（Jaye）現身書展出席新書《學生仔手冊》簽名會，首度出書的Pearl直言生育一、兩個小孩後，好多朋友問會她意見，還提議她出書，但她覺得不是生過就可以教人。
Pearl表示3個女兒跟婆婆到多倫多，由於幼子每日要她陪瞓，所以婆婆帶女兒去玩先，稍後才跟她們會合；她說女兒已去了大瀑布、農莊及科學館玩。Bob自言工作繁忙，希望8月能抽空參與這次親子Trip，更認為太太一人照顧子女好辛苦，又大讚太太是超人媽媽，原本今日有活動出席，但寧願不賺錢也為撐太太。

談到王祖藍與李亞男成功造人，Bob說：「睇新聞恭喜佢，應該係我今年其中一個一直催佢生的人，搵咁多都夠啦！有家庭會不同，有埋BB更完美。不過我近幾個月無再提佢，之前我話有乜生仔秘笈可教佢，佢話會教自己。」（攝影：羅安強）