李亞男憂生女似祖藍：佢基因咁強真係好驚

李亞男出席梳化店開幕活動，懷孕剛過4個月的她身材仍然保持得很好，只穿上1吋多高的粗踭鞋，祝酒後亦滴酒不沾。
亞男表示懷孕至今都未覺有太大負擔，也沒作嘔作悶，不時會到公園散散步，為可能選擇順產做準備，但都有時會偷偷吃辣。談到丈夫王祖藍可有嚴厲督促？她笑說：「佢唔算嚴，有啲朋友嘅老公好似阿媽咁！」亞男謂開始感受到肚裏BB的輕微郁動，笑言初時以為自己攪肚痛。

至於BB性別，亞男稍後才公佈，歡迎大家繼續競猜。她笑說：「通常第一個生女似爸爸，生仔就似媽咪多啲。不過我都唔知，佢基因咁強，呢單嘢真係好難講，好驚！」她又坦言好怕痛，怕捱不到順產之痛，還笑說：「我細膽、怕痛，聽過太多故事，捱十幾個鐘痛，最後都係開刀。但我骨架大，會容易生一啲，依家都仲有時間畀我考慮。（祖藍陪入產房？）呢個要睇佢假期，如果開刀佢話可以請到假；如果順產突然穿羊水，佢仲喺台上，我說會好唔開心。」 （攝影：駱震寧）