譚俊彥重演狄龍32年前經典對白：我冇做大佬好耐啦！

譚俊彥（Shaun）一直被指好似他爸狄龍，他主演的無綫劇集《特技人》今晚就迎來大結局，昨晚的一集講述他勇救了被綁架的關楚耀，對方說要叫他一聲「大佬」，Shaun就笑說：「我冇做大佬好耐啦！」
似曾相識，因為這是32年前狄龍演電影《英雄本色》時的經典對白，所以網民都讚「最精彩這句」、「超搞笑」、「好驚喜，估唔到32年後由個仔講番呢句對白，感覺好特別，子承父業，不過係兩個唔同嘅感覺，譚仔呢個係搞笑嘅語氣，狄龍當年講就慘情好多。」