譚俊彥手傷縫廿針 冒爆傷口之險抱朱晨麗

朱晨麗在新劇《特技人》應付多場動作戲，也與「大師兄」譚俊彥有感情線，日前播出戲中戲，二人結婚後譚俊彥要抱起朱晨麗逃走。

雖然譚俊彥在鏡頭前表現型爆，但其實有苦自己知，因為拍攝該場戲份前一天，譚俊彥在拍攝中途手部受傷，要入院縫廿多針，翌日便要繼續拍動作戲，令朱晨麗非常擔心。她說：「因為佢要抱起我，我驚佢隻手個傷口爆，所以我自己都有就力，令佢冇咁辛苦，好在最後拍幾次就OK！」

講到跟譚俊彥合作，朱晨麗表示很放心，大讚對方表現淡定：「真係好似『大師兄』咁，好照顧我哋成TEAM人，記得舊年開工頭幾日佢生日，我就準備咗個蛋糕一齊慶祝，當時大家都未熟，佢有少少尷尬，不過好快熟絡。最深刻係拍KISS戲，因為當時佢個仔出世第2日，成個劇組都戥佢再做爸爸開心，我覺得譚俊彥直頭係大贏家，太太生完第2日就KISS第2個，好有艷福！」