【劉德華演唱會】6萬張公售門票賣晒！

劉德華年底舉辦的20場《My Love Andy Lau 劉德華 World Tour-Hong Kong 2018》跨年紅館騷，今日在網上公開發售6萬張門票。早上10時開賣，至下午5時多門票終告售罄，不過城市售票網仍然間中「塞車」。

演唱會面書專頁都已公佈門票售罄消息，留言：「#MyLoveAndyLauWorldTour 演唱會門票經已售罄，感謝大家強力支持，紅館見。#識睇一定睇三嚿八 #係愛呀 #我愛 #劉德華」。

另外，華仔紅館騷票價分別有$980、$580及$380，炒飛網有大量門票放售，最高炒至癲價$38888。