開學日舉行個唱記招 劉德華：搞晒你哋嚟呢度唔好搞我個女

劉德華去年初因為墮馬受傷停工1年，包括取消同年年底的跨年演唱會，延期1年，華仔為今年底20場跨年演唱會舉記者會，他先出場先獻唱一曲《17歲》，然後以獨腳戲形式談笑風生，用歌曲穿插，細說入行以來演唱會的點滴，又分享一些重要的里程碑。華仔回顧歷年來舉行過的演唱會畫面，當中跳拉丁舞爆褲相片最為深刻。
在台上華仔多謝傳媒，並霸氣表示，今日大家問得出他都答得到。被問今日不是要帶女開學嗎？他即笑謂：「我就係揀今日搞晒你哋嚟呢度唔好搞我個女！」更得戚自爆今早扮Batman入學校沒被發現。

對於黎明近日將女兒正面照發放到網上，問他可會仿效？華仔斷言：「唔會。（唔想跟人做？）唔好咁講，自己好少放相上網，大家用唔同方法。（咁你放全家福吧？）唔使用激將法，我唔受呢一套。（太太同囡囡會嚟睇足20場嗎？）你們搵搵啦！」（攝影：張家宜）