華仔開騷抗黃牛只設網上售票 網民激讚：民間特首做到嘢

劉德華年底跨年紅館騷本於下月4日公開發售，鑑於早前歌迷排隊買飛捱斬事件，心痛歌迷的華仔積極採取行動，創紅館演唱會賣飛先河，宣佈不設售票處賣飛，歌迷可於城市售票網網頁、信用卡電話購票及流動應用程式My URBTIX搶飛；每人每次、每張信用卡每日限購最多4張門票。

一眾網民激讚華仔愛錫歌迷、力抗黃牛黨的安排，有人留言：「華仔果然犀利，超有效率！去排隊真係搵條命去搏」、「華仔係真心對待歌迷！支持香港民間特首」、「謝謝華哥！做到嘢吖！我才有一絲希望有得看」、「多謝華仔嘅決定，真係香港人嘅典範」、「劉華好波，如果其他歌手好似你咁就好，我哋至少唔使見咁多牛出沒！」。

同時有網民憂慮售票網當日不勝負荷，打電話購票一如以往大塞車，「我一向喺售票處排隊買飛㗎！4號嗰日個電腦一定hang機！」、「打電話打到手殘都無希望」、「這方法不錯，雖然可能會網絡大塞車，但起碼大家安全最重要」，亦有人建議「如果加埋實名制就更加好」。

不過對於華仔20場演唱會公開發售只有約6萬張門票，有網民都感嘆是「絕望座位表」。