貼相提家長拖實子女過馬路惹公審疑雲 相中媽媽：比你影咗就係我冇好好睇住女兒？

懷疑有人做錯，善意提醒應是好事，但隨時惹來「公審」疑雲！有網民在facebook群組上載一對母女過馬路的照片，指相中女子邊行邊看手機，甚至「過馬路都未有拖着小女孩」，強調並非希望公審，但希望父母與子女外出時應「拖實」，好好保護小朋友並引以為鑑。帖文引起爭議，被拍的女子亦現身駁斥樓主「唔知頭唔知路」，稱有留意交通燈號及「睇緊」女兒，反問「咁樣比你影咗就係我冇好好睇住佢？」有網民認為應即時提點對方，無需影相。
有網民昨晚於fb群組「Tai Po 大埔」發帖，指自己放工後見到一名女子和一位揹着大書包的女童。相中女子在行人路已邊行邊看手機，甚至乎過馬路都「未有拖着小女孩，就是只顧看手機」。樓主稱：「不希望大家作公審，今天開學了，希望各為人父母、工人姐姐要好好睇住自己嘅子女或少主，要好好保護佢地並引以為鑑」。帖文附有兩張照片，其中一張可見女事主過馬路時在看手機，女童則在其身旁。
帖文引起網民爭議，部分網民讚同樓主看法，指「過馬路一定拖實，你唔會知小朋友會唔會突然跑走」、「真係唔好每次都係出事之後先後悔」。不過，亦有不少網民批評樓主的提醒方法，「提醒係好，但唔需要影」、「有心要提醒唔使圖文並茂嘅，除非你覺得公審可以有阻嚇作用囉」、「出於好意提醒，就面對面！都行到人地背後1米範圍！就唔係影完人擺上網！」
相中的女子亦「蒲頭」，留言稱是女童媽媽，並反駁樓主指責她沒有看顧好女兒，「唔知頭唔知路就唔好擺出來公審」，強調自己「有睇好燈先同個女過馬路，我有睇緊佢嘅，我咁啱撳緊個電話，唔通咁樣比你影咗就係我冇好好睇住佢？」該媽媽又說，女兒不喜歡被拖，若她在馬路上發脾氣情況更壞「所以我知道小朋友唔鍾意拖住，我只可教一定要清楚點過馬路」。
但有網民始終不相信該媽媽解釋，「我覺得你冇好好睇住個女囉！都睇唔到個樣，自己應該感謝人哋提點才是！」媽媽則留言回覆，「如果係提醒既話佢可以當時即刻同我講」，並認為「就一張相你就覺得我冇好好睇住個女 ，你哋真係太公正了」。