婦人不滿男孩童言無忌怒目而視 父母拍照公審遭圍攻

童言無忌，但有時卻會令人感到尷尬難受。男孩疑因詢問一名患有長短腳婦人的鞋子，被對方怒目而視；男孩父親則拍照放到社交網站。惟「公審」未獲網民支持，反指事主是小題大造「啤（睥）下你啫，駛唔駛上網公審。」
照片昨晚被上傳至「巴打絲打」，帖文者指「呢位太太，係我個仔童言無忌問我點解妳對鞋咁樣（佢應該長短腳　），我都叫咗個囝（仔）仔同妳講對唔住，妳都唔使啤住我地同埋口中唸唸有詞。」不過帖文隨即轉載至其他群組，亦吸納了不少嬲嬲。
有網民認為事主拍照公審的行為並不恰當，「人地都有自尊，你放上網把Ｘ」，坦言事件是男孩有不對在先，對方才會作出怒目而視的行為，「你仔仔當面話人，佢冇當面Ｘ返你已經證明佢好好脾氣啦。」
面對網民的批評，事主回應指「其實當我聽到我囝囝（仔仔）咁問我都好愕然，我見到個太太咁大反應立即同佢講對唔住同叫囝（仔）仔道歉」，強調兒子只有6歲，事後亦已教導他，又指「我覺得佢係有啲神經質咁。」
但網民不接受說法，「無論個嬸嬸點都好，你而家影相公審人就一定係你錯！」其後又發現事主多次更改帖文的內容，包括指責對方「驚畀人睇就唔好出街」；同時，亦有網民發現事主並非第一次拍攝長短腳患者的照片，「好無品。」