「火燒人」劇情被指造假 朱晨麗嬲爆：憑乜嘢扮專業話係假

無綫劇集《特技人》大談幕後特技人的辛酸，網民大讚題材特別，故開播至今好評不絕。前晚播出飾演特技人的方紹聰拍攝一場「火燒人」的特技場面時，引起網民討論，指「火燒人」橋段以電腦CG效果畫上假火，並指非以方紹聰親身上陣拍攝。女主角朱晨麗嬲爆回應，「連CG同真火都分唔清嘅朋友，憑乜嘢係度扮專業話我地都係假嘅？」

有關特技場面講述，特技人方紹聰被火燒，但門鎖突然失靈，加上導演遲遲不喊停，令他燒足數十秒慘變火球。但網民指該場面並非用真火拍攝，更質疑非由方紹聰親身上陣，斥劇集沒有特技。

女主角朱晨麗在ig回應網民批評，「連CG同真火都分唔清嘅朋友，憑乜嘢係度扮專業話我地都係假嘅？每個演員都係用心去演出，請唔好用一句說話就抹滅左(咗)所有付出！特技人，都係玩命的」。