被港姐監製數綵排唔認真 工藤佑采：唔要你都唔畀生路你行

《2018香港小姐競選》圓滿結束，當中12強止步的8位佳麗要留低為泳裝環節跳舞暖場，成為熱話之一。中日混血兒工藤佑采黑面Hea跳兼甩拍子，意外當了紅人，更獲張敬軒大讚有型，連社交平台頭像都換了工藤佑采的黑面樣，兼且構思合作拍片。

工藤佑采自言是天生poker face，部份網民亦撐她有性格。不過港姐監製何小慧受訪時表示安排落選佳麗為12強伴舞，志在想大家多參與節目，眾人也努力排練，唯獨工藤佑采綵排期間表現不太認真，勸告過對方也沒改善，落選後也一度拒絕上台跳舞。

對此，工藤佑采在社交平台憤慨地自言被抹黑，留言：「TTv都幾有趣～個處理方法都幾好喎、我幾時有拒絕過落選之後要上台跳舞？ 我地（哋）幾個落咗選嘅女仔包括我在內明明系（係）米（咪）後台哭完都上台跳舞！講到好似佢哋束手無策咁！總要如簧之舌甘（咁）？好辛苦先叫到我上台？吾（唔）鍾意我都唔使黑我嫁（㗎）～ TTv比賽甘（咁）多奇怪事情我都冇廣（講）出黎（嚟）、 比賽最後一個星期要冇跳舞底嫁（嘅）我地（哋）學四個舞～你期望可以跳到dancer咁，TTv根本就是佢吾（唔）要你，都吾（唔）比（畀）生路你行～」。