維港會：司機高速駛過巴士站 激起「大浪」累網民濕曬

天文台發出黃色暴雨警告，雖然「天要下雨」無得避免，但一些「人禍」也防不勝防。有網民在社交網站Faecbook發文，指在等巴士期間，有一輛汽車高速駛過巴士站的積水，令他下半身被「大浪」濺中濕透。帖文引起不少網民共鳴，獲超過1200名網民給予讚好、「 難過」或「 嬲嬲」表情符號。

網民在群組「 巴打絲打 Facebook Club」上載一張照片，見到他身穿的淺綠色長褲大部分面積都濕透變成深綠色，連上衣都有幾處水跡。網民怒轟，「點解香港某些人可以咁XXX。天下大雨，專登揸部車極速係巴士站邊剷過，搞到成個站嘅人都變成咁，你覺得好開心好有成就感咩？正XX」。

大批網民留言，分享自己身同感受，「半個鐘前觀塘瀨咗嘢」、「好多司機好自私，唔駛顧行人」；不過也有人認為，「其實有時唔怪得開車的，開車沒超速但行緊三四十都有可能這樣，入水窪時有機會向下降加速」。