古天樂獲頒世界傑出華人獎 身為老闆勤開工冇長假放

古天樂獲頒「第十六屆世界傑出華人獎」，從英皇老闆楊受成及許冠文手上接過獎項，雖然古仔在台上顯得有點拘謹，但當宣佈他獲獎時全場起哄。古仔自言心情緊張，覺得獎項具有意義，他一直希望有能力就做多點事幫助別人、貢獻社會，認為今次得獎是喜出望外，最重要對得住個獎，會繼續貢獻社會。

有指古仔在內地捐建的第100間的小學即將落成，他謂有關慈善活動一概不回應，行事低調，有能力就會幫人。問到開工拍戲的他在電影殺青後可會放假休息？他表示之後都要宣傳其他電影，可能只得一、兩日放假，但他本身熱愛工作，就算放假都在想工作的事，很難停下來。他笑指今日來領獎都當放了半日假，今年亦未放過長假，記者說他是公司老闆，可批自己放大假？他笑稱：「一陣返去填假紙，睇吓嗰條友批唔批。（即是邊個？）我囉。」