男仔唔使大隻 Aka@SG特別欣賞運動型男生

組合Super Girls（SG）隊長趙慧珊（Aka）早上擔任中環海濱舉行的慈善馬拉松嘉賓，一身運動打扮的Aka在台上帶領一班參賽選手做熱身運動，及為賽事主持「鳴槍」，更落力為參賽者打氣。
Aka熱愛做運動，經常在社交網站分享跑步及做gym照，原來她讀書時已是學校田徑隊代表，而且成續很好。她說：「讀書時已參加田徑隊，主要係短跑同跳遠，拎過學校田徑比賽總冠軍，學界都拎過牌。」不過她笑言年紀大了，現在比較愛慢跑，說：「現在都會去跑步，不過年紀大咗，慢跑適合我多啲，而且一路跑仲可以欣賞周圍景色。」

Aka自言做運動做上癮，笑說「無做就會身痕」，她又透露年底會參加跑步賽事和慈善跑。單身的她被問到會否搵個同樣愛做運動的男友？Aka直言：「男仔唔一定好大隻，只要係有做運動，有少少肌肉，睇得出對自己身型有一定要求，有呢一份堅持，我都特別欣賞的。」