維港會：空姐怒轟港客自私惡行 霸佔行李架拒令子女坐好

不少服務性行業人士都曾在網上批評香港人要求多多又唯我獨尊，相當難服侍。有空中服務員於facebook專頁「西客之道HIspitality」發文，指不時「遇到啲西客」，不少乘客為能獨佔座位上的行李架，會將個人行李「打橫放」或放到最出「遮住晒後面啲位」，然後關上門好讓其他乘客無法放行李。

該名空姐透露，自己就會打開行李架，收拾好行李，擔當嘗試挪動客人的行李，客人就會發難，稱「入面有薯片定蛋糕定水果」，又會動不動喝斥「唔好掂我個行李啊！」、「點解咁多人淨係要我放行李落嚟」。空姐認為如果行李放凳底就唔怕人移動，直指「你以為你買咗上面個行李位啊？你估我好想執行李啊 」。

空姐又抱怨怕客人上錯飛機，香港的航空公司都會要求乘客上機時出示登機證，但很多人就會以為是要看乘客坐甚麽位置，於是就聲稱「得啦我知自己坐邊」、或者「我同佢一齊」或直接答座位號碼，然後不拿出登機證 。但其實航空公司職員是要看日期及航空號碼，確保乘客無上錯航班，直言「我係一定要睇，你冇得拒絕，一係你落機」。空姐又提醒香港人，「上機前拎定登機證出嚟好冇...唔係上到機問你攞你又要摷，為咗等你，後面啲人就要企喺度俾你擋住條路」。還有些乘客，自己一個手持全家的登機證，然後全部人又不是一齊上機，空姐要逐個檢查。發文者奉勸「你分開晒我唯有叫你企埋一邊，等齊人先俾你入，你又唔鍾意，你當為咗方便我哋，全部人自己拎返自己登機證啦，好似你入閘都係一個一個拎返自己嗰張架嘛」。

空姐又批評，好多港媽都拒絕配合起飛、降落前將窗口遮板打開、餐枱收回、袋放座椅底、椅背拉直，因為「啲阿媽覺得細路大X晒，幾乎每一班機都有細路起飛或降落前會瞓咗喺阿媽度，可能係成個人瞓媽咪身上，或者瞓喺自己位頭放媽咪大脾。」空姐會勸籲，因爲安全規定小朋友如果有自己位，就要坐返自己位扣好安全帶」，但「係好多阿媽會答：佢瞓咗唔想嘈醒佢。」空姐解釋，「條安全帶只可以承受一個成年人重量 ，當然你其實綁埋個細路條安全帶都唔會爛，但我地做檢查時就係要跟安全規嚟做，我都要叫佢坐返埋位。」

但「有啲阿媽唔想嘈醒個細路，會由X個細路扣住安全帶，瞓喺自己大脾，但格硬將個扶手放返低（因為扶手必須放低係安全規定之一） 之後個扶手就喺個細路頭上」，空姐直言「呢啲我理唔到，因爲佢已跟足規矩去做，不過如果衝力過大或者個細路突然起身佢個頭就GG了」。

空姐又透露，最近有乘客「拒絕叫個仔坐返埋自己位，繼而不滿寫信去機管局投訴， 咁安全規定佢冇得投訴同事叫個細路坐返自己位呢個舉動係唔啱，結果佢投訴同事冇禮貌 好彩坐呢位X客後面個客睇到晒 佢自薦如果條X客投訴佢可以做證撐同事，不過公司都係照左同事肺，好無辜」。發文者最後認為，「好客都多過X客」 ，好多香港人都唔錯 ，而服務好客自己都幾開心。