吳鎮宇對新戲獲好評感意外：唔好被人笑話無香港電影

吳鎮宇、黃德斌、余香凝及胡子彤現身戲院出席電影《逆流大叔》謝票活動。鎮宇表示，首次睇該片是在首映禮，但首映場次的觀眾都沒有笑，皆因是專業人士，不過都發現有密集的笑聲，相信播映正場時觀眾反應更好。
鎮宇又謂，該片並非為市場及獎項而拍攝，反而有少少意義同娛樂觀眾，又指自己有時參演電影後也不敢告知好睇，加上香港大多拍警匪片。他說：「難得有MK片，旺角的確可愛的地方，雖然我們沒有在旺角取景，但用了較為旺角的演出方法。（口碑好？）真係估不到，又唔會在內地上映，但佢地點解會咁寫呢？亦唔會畀錢寫，當然係自發性啦！所以院線幫幫手，我唔會令你哋蝕幾多張飛，唔好被人恥笑話我哋無香港電影。」