Sammi著紅姑N年前舊衫

貴為娛樂圈時尚達人的鄭秀文（Sammi），基本上着乜都靚。Sammi平時都幾注重環保，不介意翻着別人的舊衫，更能夠穿出新意。
她今日便以白襯衫加牛仔褲自拍，自爆白衫正是老友鍾楚紅的舊衣，並寫道：「有冇人同mi一様，唔介意着好朋友的N年舊衫？mi身上嘅白衫，係紅姑嘅N年舊衫。（佢N年前好瘦！嘻嘻！）其實，時不時着吓舊衫真係正，時裝嘅嘢，不過是循環。而且好多款式都好襟着。着N年前舊衫，冇問題！」身體力行支持環保，Sammi果然是年輕人的榜樣！