【痛到暈咁滯】趙學而被車門夾中指 自嘲手腳遲鈍累事

趙學而為慶祝老公生日，日前兩公婆出發去旅行慶祝，心情靚靚的趙學而更專誠整彩色繽紛的Gel甲襯返異國藍天白雲。在社交平台分享過骨感美水著相後，趙學而今日晒面容扭曲的慘情照，不幸被車門夾中指的她流晒血，手指現瘀黑色，要浸冰水止痛，睇相都戥趙學而慘豬。她留言：「#又係你呀 #唔係手指就係腳趾 #同趾指有仇，話說我老人家手腳遲鈍車門夾中指 #面容扭曲 暈咁滯 #敷冰 成碗嚟仲要被 #偷拍。恭喜晒終於 #肥咗隻中指」

放完手指瘀血再包紮，趙學而不忘同老公醫肚，因中指受傷不能屈曲，她打趣道：「雖然生日大晒，但係都要哽我隻中指 #happybirthday」。