擔任「糖胖症大使」 李克勤長知識：原來10個糖尿8個肥

李克勤以「紅噹噹」造型擔任糖胖症大使，向公眾及病友推廣控糖減重的健康訊息。要身體健康，當然要注意體重及飲食，並多做運動，自言「為食」的克勤有時候會受不了零食的引誘。他說：「當然人愈大，愈知道邊啲嘢要少食、唔好食，始終要健康為重，過口癮嘅嘢過咗就算啦。另外我都好鍾意做運動，除咗享受比賽過程，最重要都係運動對健康有好大幫助。近年除咗踢波，都有打羽毛球同高爾夫球。」

向來熱愛運動的克勤，在廣告中要打棒球、打拳、踢足球，這些簡單任務，對克勤來說，當然無難度。「我自己比較鍾意打拳個造型，雖然我好鍾意運動，但好少扮曹星如，我覺得幾得意。踢波難度反而高啲，因為想做好每一個動作。至於棒球真係無乜認識，要靠導演指導。」

克勤透露家中有成員患糖尿病，原本對這個病已有基本認識，但成為糖胖症大使後，令自己對糖尿病有更深認識，尤其藥物層面能夠了解更多。他謂：「我現在才知道原來既有糖尿病又肥胖的話，就係『糖胖症』，而10個糖尿病患者當中，8個都有肥胖問題，即可能已經患上『糖胖症』。其實有很多人根本不知道自己屬於肥胖，希望提醒公眾以及身邊嘅朋友同家人，要注意糖尿及肥胖問題，尤其有肚腩嘅，都要份外留神小心患上糖胖症。」