【身處日本】睇地震新聞話得意 傅嘉莉道歉：我唔夠智慧

日本大阪發生6.1級地震，阮小儀、金剛、傅嘉莉及衛志豪正身處姬路拍攝節目《街坊廚神》，當地錄得地震4級，小儀今早已報平安，眾人今日繼續開工。

傅嘉莉亦有在instagram story上載電視台報道地震消息的片段，並邊拍邊說：「好得意呀啲新聞，畫面喺度震㗎，好搞笑，我哋頭先應該係feel到.....」不過傅嘉莉已急刪此ig story，並上載黑白獨照為她的失言道歉：「對唔住！引嚟咁大的誤會，係我唔識表達，唔夠智慧，無危機意識。之後再睇新聞知道有傷亡，先意識到這是一場很嚴重的天災...天佑大阪」。

傅嘉莉接受本報訪問時表示：「一切安好，沒事，有睡夢中被警報嘈醒，感受輕微震動、頭暈暈，兩、三秒後就停下來。看到新聞報道有些地方出現地陷、火災，不過我哋離大阪有一段距離，冇咁大震盪。家人都有即刻打來問我有冇事，我都有報平安。」