王君馨遇車禍拉傷頸 約阿爸補祝父親節

王君馨今日約爸爸出街食飯慶祝父親節，不過同老公搭的士去會合爸爸時遇車禍，幸好只是Chok親頸、胸，兩公婆已出院。王君馨拍下撞的士車尾的私家車，留言寫了事發經過，並拍片報平安。

王君馨表示：「無端端喺東區走廊我哋架的士好快咁剎車，啱啱趕得切冇撞到前面架車，跟住就即刻俾後邊架車撞倒。胸部頸部同背脊有少少Chok親。老公個頸同埋頭有少少chok親。」首次坐救護車的她更拍照「留念」，「身為小演員的我當然有少少好奇，問長問短，一個鐘頭內，睇咗醫生寫咗報告，落咗口供，攞咗消炎藥同藥膏離開。醫生話骨同埋神經線冇事，應該係拉傷肌肉，休息幾日應該冇事，感謝神！」因為發生車禍影響行程，王君馨唯有約定爸爸下次擦餐勁，飯可以再食過，最緊要人無事。