霆鋒自爆邊打機邊傾劇本

謝霆鋒在新一集ViuTV節目《鋒味前奏》中自嘲仍是宅男，笑指自己三個禮拜足不出戶都絕對無問題，就算落街最多都係去街市買餸，還分享貼地生活：「當時20幾歲已經入咗行，會去深水埗、灣仔機鋪打機，會去黃金商場買game。」
霆鋒談到最有趣的事，竟然是跟王晶一邊打機一邊傾劇本，他笑說：「我以前去得最多的一間機鋪在灣仔英皇道對面，那時打足球game，王晶導演要嚟搵我，擺一袋遊戲卡喺度，當時我們一路打機一路傾劇本。但我哋對眼係一路望住個mon，隻手不停㩒掣，嗰陣時我哋係咁樣傾劇本㗎！」