暫停操肌嘆美食 羅仲謙：耐唔耐要放肆吓

藝人羅仲謙除了演技越來越成熟之外，身型亦越操越弗。要保持這副爆肌身材，他都下咗唔少苦工，不僅要經常做Gym鍛鍊，飲食更要非常有節制，以免肌肉變肥肉。不過，所謂吊頸都要抖下氣，平日幾有節制都好，間中都要放任一下自己，才可以有力量繼續堅持下去。

羅仲謙最近就在社交網上載咗一段食烤魚的短片，並留言話：「Keep Fit耐唔耐都要放肆吓，咁先有動力堅持落去！」片中見羅仲謙大大啖咁將烤魚放落口，吃得津津有味， 更豎起姆指讚好，睇嚟好似好耐冇嘆過美食咁，吃得非常享受。唔知係未得到太太楊怡恩准，所以他可以食得咁放肆呢？