【眼中只有你】孖謙謙玩水上滑梯 楊怡自嘲驚青

楊怡與老公羅仲謙早排各有各忙，拍劇又拍戲，上星期終於夾到假去澳洲旅行兼避寒，去了黃金海岸的水上樂園玩餐飽。雖然楊怡未有在社交平台分享索爆水著照，但上載了水上滑梯短片晒恩愛。

驚青到爆的楊怡玩滑梯時緊閉雙眼，自嘲「有邊個好似我咁，又要驚又要玩的」。「著陸」後楊怡終於開眼及笑晒口，率先玩完滑梯的謙謙更一直向後望，相當著緊老婆，小小甜蜜舉動獲網民勁讚「係愛吖」、「眼中只有你」、「好關心你，好sweet」。