拍廣告遇「強風」 佘詩曼：女神唔易做！

佘詩曼為拍攝廣告扮「智慧女神」，會「仙女下凡」送喉糖助人解決小毛病，阿佘穿上一襲長長的拖尾裙，兼且被大風扇吹到行，凝造「裙搖又尾擺」的仙氣效果。她說：「咁熱嘅天氣拍呢個廣告真係好舒服，因為每個鏡頭都有四至五把風扇吹住我。但同時拍呢個廣告都真係唔簡單，大家睇見我好靚、好似仙女咁，其實幕後好多工作人員幫手，因為條裙有四邊，要唔同方向拉起條裙先有飄逸嘅感覺。加上導演要求高，所以有啲鏡頭拍咗好多take。」

被幾把大風扇長期迎面吹，阿佘的一雙電眼也難逃「漏電」的命運，令她不禁笑言女神唔易做：「我對眼最辛苦，因為吹足成日，對眼係咁流眼水，真係女神唔易做。」拍攝當日，阿佘走勻舊式茶餐廳及停車場等地取景，加上拍攝時間長達12小時，相當頻撲，難怪阿佘當天胃口大開，即使臨埋位前亦不忘吃甜品，故被工作人員封她為「貪食佘」。她謂：「因為全日都有四個工作人員拉住我條裙，即係間接拉住我，佢哋會無定向風咁扯我條裙，有時都俾佢哋拉跌我，所以我馬步都要企得好穩至得，我仲俾人笑食得多嘢，其實佢哋都唔知我要幾用力，所以食完晚飯要再食甜品。」