【爭產風波】羅老太不滿叫匯豐信託「買乜都唔睬」：所以攞番啲財產告佢

鷹君集團創辦人羅鷹石的遺孀羅杜莉君（羅老太），前年入稟要求撤換管理家族信託的匯豐國際信託有限公司，並要求對方交代帳目及賠償，羅老太今早續在高等法院作供。辯方御用大律師續向羅老太展示多份信託文件，包括1984年羅氏兩老簽署的委託人意願書及1985年律師行向兩老建議分配資產方式的草稿。羅老太均表示對文件無印象，說：「唉，以前個先生叫我簽就簽，但係而家唔記得咁多囉！簽呢啲簽名，我最多卅幾歲，而家成100歲，唔記得哂囉。」
代表匯豐信託的御用大律師Paul Girolami問羅老太，是否知悉一間叫「瑞勝」的公司。羅老太表示知悉，又指那是「鷹君裏面啲小公司仔」，有如「雞生咗隻蛋仔」。Girolami指出「瑞勝」是一個註冊於太平洋島國的單位信託基金，並不屬於鷹君，而鷹君大部份股份於家族信託成立初期都由「瑞勝」持有，當時家族信託僅持有8%鷹君股份。羅老太對此表示「唔係幾清楚」，又說：「太複雜，我無參加喇。」
羅老太又指，自己無理會注入資產於家族信託的事情，她說：「我理仔女，理家庭，呢啲濕濕碎碎嘅我無理。呢啲仔女讀書、家庭，乜嘢都係我一手做。」她又重申：「叫匯豐買乜嘢買乜嘢，佢都唔睬，所以我要攞番啲財產，要告佢，其他小事我無理喎。」

法庭記者：黃梓生