狗狗周街小便搵水沖 被指仍有氣味殘留惹討論

不少港人都有養狗狗，每日風雨不改帶狗狗散步，遇上狗狗突然在街上小便，主人都會預備水樽，以沖走狗狗的小便。近日有狗主照常帶狗狗散步，碰巧狗狗需要小便，主人於事用水將小便沖走，但惹來網民批評，認為即使用水沖走仍有氣味殘留。

有網民在Facebook「馬鞍山之友」群組上載圖片，見到一對父子放狗，並疑用水沖走狗狗的小便，但該網民不滿，斥狗主以為用水沖走小便就無問題，「你洗完就繼續痾，痾完就走，已成為習慣，我相信不可以禁止狗隻進入此處， 希望有第一個檢控， 香港冇違例泊車抄牌，都世界大亂」。

有網民認為即使用水沖走亦會影響他人，「其實啲人養狗應該訓練係自己屋企屙，落街時只不過係啲狗鍾意霸地盆周圍屙下，希望狗主自律清潔乾淨先好走」、「如果增加多啲狗廁所，情況會唔會改善」。

亦有網民認為用水沖走小便沒有問題，「以前啲人只會鬧唔執屎嘅主人，而家連用水清理都會被鬧被拍擺上網公審，求人狗共存嘅好方法」、「其實因為香港太細太密雜，好多野都好易影響到其他人，肯沖肯執已經正常」。